Lasanble Nasyonal: Sesyon demann kestyon |10 June 2026
Minis Charlette i konfirm logmantasyon R800 dan tou kategori pansyon retret depi Zanvye 2026
Ìý
Minis pour Zafer Sosyal, Lafanmir ek Egalite, Pamela Charlette, in dir ki tou kategori peyman retret in ganny ogmante par R800 depi Zanvye 2026, zis parey ki gouvernman ti’n anonse.
Minis Charlette ti dir sa pandan sesyon deman kestyon dan Lasanble Nasyonal yer bomaten, konsernan son minister. Sa ti apartir en kestyon par Onorab Sandy Arissol, sorti dan parti minoriter, Linyon Demokratik Seselwa (LDS).
Onorab Arissol ti anvi konnen akoz pa tou dimoun ki’n ganny sa logmantasyon R800 swivan serten rapor ki pa tou benefisyer ki’n resevwar sa sonm.