En group zenn fermye in pare pour esey bann metod adaptasyon klimatik |27 March 2026
En group zenn fermye in pare pour esey bann metod adaptasyon klimatik
Par Mandy Bertin
Ìý
Lagrikiltir i enn parmi bann sekter kle dan nou lekonomi, me i osi en domenn ki fer fas avek bokou defi. Sa bann tel defi i pa zis lo kote resours imen ouswa prodwi ki neseser pour ede ogmant prodiksyon, me i osi lefe sanzman klima e osi byen ki larelev. Letan ki nou pe koz lo larelev, nou pe koz lo zenn dan lagrikiltir.
Zenn dan lagrikiltir i en fakter kle pour asir kontinite e inovasyon dan sa sekter. Zot pli ouver pour esey bann metod modern, tel ki lagrikiltir dirab, teknolozi pour ogmant prodiksyon, e met an plas bann sistenm irigasyon pli efikas.